Har du lyst til å lære meir om den særmerkte dekorteknikken som prydar hardingfelene -roseteikning? Bli med på workshop med felemakar Ottar Kåsa, som gir ei enkel innføring i kunsten å teikne hardingfeleroser.

Gjennom kurset får du utforske ulike teknikkar og stiluttrykk, samtidig som du utviklar ditt eige kreative uttrykk. Det blir teikna på papir, men du får òg høve til å dekorere på bitar av flammelønn, som du kan ta med deg heim etter kurset.

Kurset passar for deg som er interessert i overflatedekor og ønsker å hente inspirasjon frå tradisjonskunsten inn i eige design, eller er spesielt interessert i tradisjonskunst. Ingen forkunnskap nødvendig.

Tid: 16. juni kl 18.00-21.00
Sted: Novooi showroom, St.Halvards gate 33C, Oslo

Pris 300,-
Meld deg på her

Det blir også mulighet til å sjå håndverksutstillinga Prosess under kurset.

 

Felemakarane Ottar Kåsa og Jake Fineberg har delteke i Homo Faber Fellowship-programmet – eit kultur- og formidlingsprogram utvikla spesielt for studentar og nyutdanna. Gjennom utvekslingsprogrammet laga dei denne hardingfela, som vart stilt ut på Milan Design Week. Den vil også å bli stilt ut på 3DAYSOFDESIGN in Copenhagen 10. -12. juni.

Ottar Kåsa (f.1983) er spelemann og felemakar, busett i Bø i Telemark. Han har heldt på som heiltids hardingfelemakar sidan 2005, då han starta i lære hjå Sigvald Rørlien ved Ole Bull akademiet på Voss. Sidan 2008 har han drive eigen verkstad i Bø, der han har laga rundt 50 hardingfeler, 4 hardingbratsjar og 3 hardingcelloar. Han har også dekorert andre instrument med hardingfeledekor, slik som gitarar, bassgitarar og trommer.

Jake Fineberg (f. 1997) er frå London, men bur no i Bø i Telemark. Han har ein bachelor i folkekunst frå Universitetet i Sørøst Norge og er for tida felemakerlærling hos Ottar Kåsa.