Ope hus i det nye lokalet vårt

No har vi endeleg flytta inn i nytt lokale i Tognatun, Tonningsgata 15 i Stryn, og det måtte sjølvsagt feirast! Mange tok turen opp i 3. etasje for å sjå dei nye lokala våre, slå av ein prat og bli betre kjende med arbeidet vi driv med i Stryn Husflidslag.

Det var stor stas å ønskje både medlemmer, nye fjes og andre nysgjerrige velkomne. Kvelden baud på enkel servering, god stemning og engasjerte samtalar om aktivitetane våre, kurs, handarbeid og vidare planar i laget. Vi set stor pris på alle som tok turen innom og var med på å gjere dette til ei fin markering.

Vi er også glade for at lokalavisa Fjordingen tok turen og viste interesse for det nye lokalet og arbeidet vårt.

Har du lyst til å bli med vidare – anten som medlem eller deltakar på kurs og arrangement – er du hjarteleg velkomen til å ta kontakt med oss. Vi gler oss til mange kjekke stunder i det nye lokalet framover!