Kva amerikakista gøymde

Kven var dei som utvandra frå Ryfylke til Amerika på 1800-talet? Korleis såg dei ut, og kva valde dei å ta med seg då dei reiste? Dette og meir kan du få med deg i Ryfylkemuseet si utstilling på Nesasjøhuset. Utstillinga løftar fram menneska bak utvandringshistoria, med særleg fokus på tekstil og draktkultur. Gjennom klede, handverk og personlege gjenstandar gir ho eit innblikk i kvardagsliv, identitet og håp i møtet med ei ny verd.

Utstillinga er laga i høve 200-årsjubileet for utvandringa til Amerika, er eit samarbeid mellom Ryfylkemuseet og Suldal Husflidslag og er ein del av utvandrarmarkeringa Crossings200.