Lom Husflidslag

Eit aktivt Ung husflid-team i Lom husflidslag står på for å gje ungane i området eit variert kurstilbod til ein akseptable pris gjennom året. På programmet står til dømes saum, spikking, strikking, trykking på tekstil og skinn, keramikk, tråsløyd og trearbeid o.a. Kursa for dei unge handarbeidsspirane er temabaserte og går som oftast over tre kveldar. Onsdag er vår aktivitetsdag, med hovudbase på Gamle banken, 2. etg. Vi har også opne aktivitetsdagar til jul- og påske kvart år, samt nokre "Rundt bålet" - aktivitetar i Presthaugen og på Gamle Banken.

Lom husflidslag er eit veletablert husflidslag som vart stifta i 1933, og har i dag 106 medlemmar. Vi har lokale i 2. etasje på Gamle Banken (tidl. Kyrkjelydhuset) i Brubakken 8, i sentrum. Det meste av "mjuke" husflids-aktivitetar skjer i desse lokala, men vi lånar også andre lokale om det passar betre for aktiviteten. Huslflidslaget ynskjer å vere ein plass for både nybyrjarar og øva medlemmar. Variasjon i kurs og prisnivå slik at "alle" kan delta på aktivitetar hjå oss, jobbar vi med kontinuerleg. Dei månadlege temakveldane som haldast på tysdagar skal vidareformidle kunnskap og gje inspirasjon innan husflid- og tradisjonshandverk, og tysdagane elles er det aktivitetskveldar der du kan ta med deg det du har lyst til å drive med sjølv. Lokala våre er ljose og trivelege - og er tilpassa rullestolbrukarar. Lista for å ta ein tur innom oss skal vere låg, så det er berre å ta seg ein tur innom.