Lom Husflidslag

Eit aktivt Ung husflid-team i Lom husflidslag står på for å gje ungane i området eit variert kurstilbod til ein akseptable pris gjennom året. På programmet står til dømes saum, spikking, strikking, trykking på tekstil og skinn, keramikk, tråsløyd og trearbeid o.a. Kursa for dei unge handarbeidsspirane er temabaserte og går som oftast over tre kveldar. Onsdag er vår aktivitetsdag, med hovudbase på Gamle banken, 2. etg. Vi har også opne aktivitetsdagar til jul- og påske kvart år, samt nokre "Rundt bålet" - aktivitetar i Presthaugen og på Gamle Banken.

Lom husflidslag vart stifta i 1933, og har i dag ca 50 medlemmar. Vi har lokale i 2. etasje på Gamle Banken (tidl. Kyrkjelydhuset) i Brubakken 8 i sentrum. Det meste av aktivitetar skjer i desse lokala.