Giske Husflidslag

Giske Husflidslag vart stifta den 11. februar i 1993, og held til på Solbakken skule på Vigra.

Vi har faste husflidssmøter ein gong i månaden. Mange av møta er tema-basert, der vi har laga bjørnemose-kostar, fuglemat, trevispar av bjørkegreiner, strikka og tova gryteunderlag, lavendel duftposer, julepynt, lappar til strikketeppe, kransar etc

Husflidskonsulenten i Møre og Romsdal, har helde foredrag på nokre av møta våre med ulike tema som norsk ull, berekraftige tekstilar, montering av strikkaplagg, trykk på ullstoff, organisasjonslære, nålbinding mm. Vi inviterer også ulike foredragsholdarar med ulike tema – siste foredrag hadde plantefarging som tema.

Vi arrangerer fellesturar for medlemane i laget, både korte og litt lengre turar:. Vi har bl.a. vore hos Celsius glass studio på Devoldfabrikken, Rennebu-messa i Trøndelag, Krivivev og Tingvoll ost på Nordmøre, Rauma Ullvarefabrikk med omvisning.

Giske Husflidslag har som mål å arrangere fleire kurs og studieringar i året. Mange av kursa er satt opp etter ynskje frå medlemane. Vi har tidlegare hatt kurs i saum og montering av bunadsskjorter, bunader og bunadsskaut. Trykking på skinn. Kurs i re-design. Vi har også arrangert studiering av strikka snornissar og fletting av hoseband.

Dersom du er interessert i å bli kjent med Giske Husflidslag er det berre å møte opp på eit av våre arrangement eller husflidsmøte.

Følg oss gjerne på facebook: @giskeflid