Du er logget inn som

husflid.no

Norges Husflidslag

Hjem / Våre husflidslag / Hordaland Husflidslag / Voss Husflidslag
 

Voss Husflidslag

Voss Husflidslag vart skipa i 1904 og er eit av dei eldste husflidslaga i landet. Målet den gongen var «Ved avholdelser av kurser i saadanne husflidsgrene, som måtte avsees tjenelige for de stedlige forhold». Denne målsetjinga følgjer me i dag òg, og kursverksemd innanfor ulike teknikkar er eit viktig arbeid. I tillegg til kursverksemd driv me vevstove og treverkstad på Tvildemoen.

Kurs:

Kvart semester har me ulike kurs innan tekstil og trearbeid. Me held til i lokala våre i Magasinvegen 26, Tvildemoen på Voss.

Hausten 2025 startar me opp kurs i:

  • Kvitsaum/teljesaum – dagtid. Lærar Merete Dugstad 18t. Start 16.sept kl. 11.00. Pris kr. 1.900.
  • Kvitsaum/teljesaum – kveldstid. Lærar Astrid Soldal Lirhus 18t. Start 16.sept kl. 18.00. Pris kr. 1900.
  • Perlearbeid/bringklut – dagtid. Lærar Helga Nygaard 20t. Start 14.okt kl. 11.00. Pris kr. 2100
  • Perlearbeid/bringklut – kveldstid. Lærar Kari Kvingedal 20t. Start 14.okt kl.18.00. Pris kr. 2100
  • Filering til bunadsforkle – dagtid. Lærar Margun Torget Østrem 20t. Start 15.okt kl.11.00 Pris 2100
  • Kjenge – kveldstid. Lærar Eirik Bryn 33 t. Start 28.okt kl.18.00 Pris kr. 3600
  • Arbeidsstove for born: Frå 3.klasse og oppover. 7 kveldar med oppstart 1.okt. kl. 17.00-19.00. Pris kr. 400. Ansvarlege: Karen Holstad og Amanda Hommedal m.fl
  • Trearbeid for ungdom: frå 14 år og oppover. 5 kveldar med oppstart 15.okt. Pris kr. 400. Ansvarleg: Kjell Høyland m.fl.
  • Perlebelte for konfirmant – kveldstid. Lærar Kari Kvingedal. Start 14.okt kl.18.00. Pris kr. 400

Ta kontakt med studieleiar Linn-Marielle Aadnekvam på mob 97658301, eller på mail: lmmaabunad@gmail.com for påmelding.

 

Strikkekafé: torsdag 16.okt. Då får me besøk av Karin Akerlie frå Elje gard som skal fortelje om garden sin og garnet ho sitt. Det vert servert kaffe og kake, og det vert høve for å kjøpe garn.

 

Studiesirklar:

  • Biletvev – Marit Dæmring, mob 90054498.
  • Knipling av sølvbord til kvinnebunad – Gudrun Hefte mob 905 26 425.

 

Ung husflid:

Arbeidsstove for barn, trearbeid for ungdom og sying av perlebelte til konfimantar

Vevstove:

Vevstova held til på Tvildemoen, i det grøne huset. Her er 15 vevar som til ei kvar tid er sett opp i ulike teknikkar etter ynskje frå dei som nyttar seg av tilbodet. Her kan du veva herdaklut, bunadskast, ulike dukar og løparar, pledd, skjerf, rye, m.m. Kontaktperson for vevstova er Sigrun Kvåle, tlf. 91 60 73 41.

Trebua:

Trebua ligg også på Tvildemoen. Har du lyst å prøva, ta kontakt med Kjell Høyland, tlf.91 65 92 80

 





Følg oss på facebook og instagram!

Er det noko du lurar på? Send oss ein mail på: Voss.husflidslag@gmail.com

Voss Husflidslag vart skipa i 1904 og er eit av dei eldste husflidslaga i landet. Målet den gongen var «Ved avholdelser av kurser i saadanne husflidsgrene, som måtte avsees tjenelige for de stedlige forhold». Denne målsetjinga følgjer me i dag òg, og kursverksemd innanfor ulike teknikkar er eit viktig arbeid.

Historie

Dei fyrste åra til husflidslaget 1904-1916

 

Voss husflidsforening vart skipa 6. mars 1904. Det var 50 personar til stades på skipingsmøtet. Føremålet med laget var å «at vække og styrke sandsen for husfliden inden Voss herred», og målet ville laget arbeid mot på desse måtane:

  1. Ved afholdelse af kurser i saadanne husflidsgrene, som maatte ansees som tjenlige for de stedlig forholde.
  2. Ved anskaffelse av gode, praktiske mønstre og modeller.
  3. Ved søge husflidsarbeider omsat paa best mulig maade.
  4. Ved nu og da afholde foredrag, som kan vække almen interesse for sagens store betydning i økonomisk og moralsk henseende.

 

Styret skulle ha 5 medlemer, av dei skulle det vera minst to kvinner. Til det første styret vart desse valde:

 

Lærarinne Synneva Glimme

Fru Augusta Abrahamsen

Handelsmann Lars Kindem (leiar)

Handelsmann Georg Rokne

Gardbrukar Styrk Fjose (kasserar)

 

Det var stor interesse for og aktivitet i laget. Til dei første kursa som vart halde, melde det seg så mange at det ikkje var plass til alle.

 

Eit av dei første kursa som vart halde var spon- og korgfletting ved Lars Klyve frå Norheimsund. Her var det 109 påmelde, så flokken vart delt i fire parti. Nokre hadde kurs føremiddag og nokre på ettermiddag.

Til kurset i nytteveving melde det seg 40 deltakarar, men berre 16 fekk plass.

 

I 1905 var det nye kurs i veving, sponfletting. I 1906 vart det halde skoflikkarkurs, kurs i plantefarging. Fram til 1916 vart det halde ulike kurs i plantefarging, skoflikking, vevkurs.  Kursa var gratis, men deltakarane måtte halda materiale, utstyr og verktøy sjølv. Frå 1916 gjekk laget i dvale i 9 år.

Bli medlem i Norges Husflidslag!

Medlemskapet gir kunnskap og inspirasjon og du får utviklet din skaperevne i et kreativt og hyggelig miljø.

Bli medlem