Du er logget inn som
husflid.no
Norges Husflidslag
0
Nettbutikk
Min side
Me er eit lag med mange aktivitetar: kurs, læringsverkstader, husflidstreff og strikkekafe. Her får du eit kort oversyn over dei ulike aktivitetane i laget. Me håper du finn noko av interesse og at du ønskjer å bli med. Ta kontakt om du har spørsmål. Velkommen!
Kurs
Laget arrangerer ulike typar kurs kvart år, til dømes bunadskurs, keramikkurs, kurs i tauarbeid og lefsekurs. Medlemmar i husflidslaget får kurs til redusert pris. Kursa blir annonsert på her på heimesida og på facebooksida vår.
Strikkekafe
I samarbeid med Sunnhordland museum arrangerer me strikkekafé i museet sine lokale. Strikkekaféen er vanlegvis annakvar onsdag i oddetallsveke frå klokka 11.00 -14.00. Kaffe og litt attåt vert servert – til ein hyggeleg pris. Alle er velkommen! Kontaktperson: Margunn Oma, mob.975 46 486 Datoar for hausten-24: 28.08 – 11.09 – 25.09 – 9.10 – 23.10 – 07.11 – 21.11
Husflidstreff
Siste torsdag i månaden er det husflidstreff frå kl. 18. Det er ulike tema for møta med foredrag, demonstrasjon av ulike teknikkar eller ein lagar noko saman. Lett servering og eit lite lotteri høyrer med. Mange har med eige handarbeid, og det er god tid til sosialt samvær. Som oftast er me i museumshallen på Sunnhordland museum, og møta er opne for alle. Husflidstreffa blir også annonserte på Facebooksida vår. Datoar for hausten- 24: 26.09, 31.10 og 28.11
Tysdagstreff
Tysdagstreff er ein uformell møtestad i lagslokalet vårt, med sosialt samvær i fokus. Det er ope for alle, og ein vel sjølv om ein vil halde på med eige arbeid eller prøve seg på kveldens tema. Det er også høve til å kjøpe seg kaffi, og litt å bita i. Ei påminning om dato og kveldens tema vert publisert på laget si facebookside. Kontaktperson: Heidi Haugland, mob: 934 93048. Datoar for hausten -24: 3.09, 17.09, 1.10, 15.10 og 12.11.
Læringverkstad
På læringsverkstadane kjem ein saman og jobbar med ulike handverksteknikkar og med ulike materiale. Her er ingen fast lærar, men deltakarane hjelper kvarandre i arbeidet, deler erfaringar, rettleiar kvarandre og lager ulike produkt. Det er ikkje krav om medlemsskap i husflidslaget for å vera med i ei læringsgruppe.
Me har læringsverkstad i ulike teknikkar, desse blir nærare presentert nedanfor. Me ynskjer oss læringsverkstadar også i andre teknikkar, så ta kontakt med styret om du er interessert i å vera med og starta opp ein ny. Dette er gratis for melder i Norges Husflidslag. Ikkje medlemmer bet kr 100,- pr semester (august til desember) pr. gruppe dei ynskjer å delta i. (Dette gjeld ikkje ressurspersonane pr gruppe)
Maskinstrikk
Læringsgruppa startar opp hausten 2024. Meir info på laget si facebookside.
Brystduk og belte til Sunnhordlandsbunaden
Velkommen til ein uformell møtestad for alle som ynskjer å brodere brystduk og belte til Sunnhordlandsbunaden. Me hjelper og veileder kvarandre, og gir råd og tips undervegs. Me møtes omlag ein gong i månaden, i lagshuset på Litlabø, og annonserer treffa på Facebook, i Stord husflidslag si gruppe: Læringsverkstad: Brystduk og belte til Sunnhordlandsbunaden. Alle er velkomne. Det er gratis for medlemmer.
Datoar for hausten -24: 27.08 – 24.09 – 29.10 – 26.11 kl 18-21 Kontaktperson: Anne Britt Melkevik Dahle, mob 91 35 21 39.
Knipling og nupereller Gruppa samlast omlag ein onsdag i månaden i lagshuset på Litlabø. Treffa er på kveldstid frå kl. 18 til 21. Møta blir annonserte på facebooksida vår. Gruppa ynskjer seg svært gjerne fleire deltakarar. Så har du lagt kniplepinnane og nuperelleskyttelen på hylla eller du lurer på kva me driv på med, er du meir enn hjarteleg velkommen. Me lærer av og inspirerar kvarandre i ein raudliste- og utrydningstrua handarbeidsteknikk. Har du lyst til å vera med eller vita meir om dette, ta kontakt med Evelyn Brask Nordfonn mob.907 49 242 Datoar for hausten- 24: 18.09, 16.10 og 13.11.
Trearbeid Læringsverkstaden i trearbeid er for alle som er interessert i trearbeid. (spikking og småarbeid i tre) Læringsverkstaden har grunna lågt oppmøte tatt ein pause, men me håper å kunna starte opp igjen. Ta kontakt med Håkon Nes, mob. 906 41 213 om du er interessert i å vera med.
Spinning Spinnetreffa er ein torsdag i månaden i lagslokala på Litlabø. Me er ei lita gruppe og ynskjer oss gjerne fleire medlemmar. Treffa er på ettermiddagen frå kl. 18 – 21 og blir annonserte på facebooksida vår: Stord Husflidslag – spinning. Har du lyst til å vera med eller vita meir om dette, ta kontakt med Grethe Tyse mob.416 92 045, eller Evelyn B. Nordfonn, mob. 907 49 242. Vel møtt til både røynde og nyfikne som har lyst å spinna på rokk eller handtein! Datoar for hausten-24: 5.09, 3.10 og 7.11
Vev Vevgruppa treffest kvar måndag kl 17:00 – 21:00 i lagslokalet på Litlabø. På grunn av romplass/ tal på vevar, har me avgrensa med plassar. For å vera med er det krav om noko erfaring i vev. Pris: kr. 200 pr. halvår (leige av vev). Kontaktperson: Marit Johnsen, mob. 412 12 217
Billedvev Syslar du med billedvev, og har lyst til å veva i lag med andre? Billedvevgruppa møtes etter avtale i lagslokala i Grua 7 til ei økt med veving, erfaringsdeling, påfyll og sosialt samvær. Kontaktperson for gruppa er Heidi Haugland Mob.934 93 048. Du finn oss også som gruppe på Facebook: Stord husflidslag-billedvev.
Broderi Ein kjekk gjeng samlast omlag ein onsdag i månaden i lagslokalet i Grua 7 frå kl. 17.30 – 20.30. Møtetidspunkta blir publisert på heimesida og på facebooksida vår Stord Husflidslag – Brodering Kanskje har du eit eller fleire prosjekt du gjerne skulle hatt ferdig? Hardangersaum, korsting, plattsaum? Ja ,her er det inga avgrensing .Målet er å hjelpa og inspirera kvarandre. Gruppa er open for alle og ynskjer seg fleire medlemar! Kontaktperson er Evy Fosse, tlf 91 52 18 95. Datoar for hausten-24: 4.09, 2.10, 6.11, 4.12.
Keramikk
Laget har to læringsgrupper i keramikk, Keramikk 1 og Keramikk 2. Grunna avgrensa adgang til omn er det for tida ikkje ledige plassar i gruppene. Det er høve til å starta læringsverkstad. Keramikk 3 om ønskjeleg. Ta kontakt med styret! Kontaktperson for Keramikk 1 er Johanne Langeland, mob.990 41 096, for Keramikk 2, Anne Marie Fimreite, mob.920 43 985
UNG HUSFLID
UNG HUSFLID er eit tilbod til born og ungdom frå 4.klasse og oppover til 26 år. Målgruppa er dei som liker å laga ting sjølv i ulike material og teknikkar. Målsettinga er å inspirera born og unge til skaparglede, læra dei å beherska ulike teknikkar og utvikla kreativitet. Gjenbruk og redesign er aktuelle og interessante tema. Det vil bli opplæring i grunnleggjande handverksteknikkar, til dømes spikking i rått material, leire/keramikk, strikking, hekling, knyteteknikkar, broderi, og maskinsaum. Gruppa møtest på Leirvik skule (kunst-og handverksavdelinga) annankvar måndag frå 17.30-19.30. Medlemsskap kostar 220kr. pr. år. Påmelding til Johanne, mob.990 41 096
Pris: kr. 400,-
Medlemspris kr. 350,-
Kategori(er): Bunad og folkedrakt
Sted: Lags huset på Litlabø, Gruva 7, Fra kl 17.00 til 21.00
Arrangør: Stord Husflidslag
Pris: kr. 3000,-
Medlemspris kr. 2400,-
Pris: kr. 700,-
Medlemspris kr. 560,-
Kategori(er): Broderi
Sted: Museumshallen på Sunnhordland museum
Pris: kr. 650,-
Medlemspris kr. 550,-
Sted: Lags huset på Litlabø, Gruva 7,
Pris: kr. 2250,-
Medlemspris kr. 1800,-
Sted: Kjem tilbake til stad kurset skal haldast.
Pris: kr. 1200,-
Medlemspris kr. 1000,-
Kategori(er): Strikk
Norsk Flid Husfliden Arendal
Norsk Flid Husfliden Kristiansand
Norsk Flid Husfliden Mandal
Interesser og aktivitetar i laget har veksla opp gjennom åra, og ein kan dela historikken opp i fleire bolkar.
1972- 1980 I dei fyrste åra i laget sin historie var det viktig å få i gang vevkurs, då interesse for vevnad var stor: Eit år var det heile 70 søkjarar til 12 plassar. Det var også stor interesse for kurs i Sunnhordlandsbunaden. Mødre gjekk på kurs, og mange ungdommar fekk bunad til konfirmasjonen. Bunaden var utarbeidd av Øydis Eide som var rektor på Stord Husflidskule, og dei fyrste åra kom mange av medlemane frå Stord Husflidskule. Her fekk dei både gi og få kunnskap.
1980-2000 Framover 80- talet held ein fram med bunad- og vevkurs, men det kom også tilbod om kurs i tegerbinding, gamle hekleteknikkar, nålebinding, dobbel uttrekksaum, pjoning og sivkurs. Det vart også skipa til flotte bussturar for medlemane til ulike plassar i Noreg og ein tul til Dalarne i Sverige.
2000 -2010 I denne perioden var det to flotte og kreative vevprosjekt i laget som fekk stor merksemd: «Vev med vri» med utstilling i Fengslet og Moster Amfi, og «Berbar vev», med utstilling i Kulturhuset. Kjellaug Guddal Sæbø var prosjektleiar for begge prosjekta. Også desse åra kom det nye kurs i gang i keramikk, keramikk rakubrenning, keramikklaga knapper, sølvarbeid, akvarellmaling, steinsliping sveiping, lagging, kipebinding, nuppereller, batikk og sykurs. Det kom og i gang strikkekafe i lagslokalae i Tverrgardsvegen. Der delte me kunnskap om strikke- og hekleteknikkar.
2010-2021
I denne perioden vart læringsverkstadene oppretta. Medlemar som har kunnskaper om ulike handarbeidsteknikkar, kjem saman med andre, delar og hentar kunnskap, og arbeider vidare med teknikken. I dag (2022) har laget 7 læringsverkstader. Laget har også fått sett i gang Ung Husflid for barn frå 4 -til 26.år – Ung Husflid er eit viktig satsingsområde frå Norges Husflidslag.
Veien vidare
Stord Husflidslag jobbar med ulike prosjekt:
Fikselaug
«Alt kan fiksast!»
Fikselauget er ein verkstad der du kan koma og få tips og hjelp til å reparera klede slik at plagga varer lengre. Ved å vedlikehalda og reparera blir plagga nesten som nye. Miljøvenleg alternativ til bruk og kast! Ta med deg noko du vil reparera. Symaskinar, material, utstyr og fiksarar som kan rettleia ,har me. Ope for alle! Tidspunkt blir annonsert på heimesida, FB-sida , Instagram og under «Det skjer» i bladet Sunnhordland. Hjartelag velkommen om du kan lite, mykje eller ingen ting om reparasjon – me hjelper deg.
Rundt bålet
Eit tiltak med husflid- og håndverksaktivitetar som passer ute i naturen. Trearbeid, bål og mattradisjonar set ramma for prosjektet.
Til butikken
Din handlekurv er tom.
