Nordhordland Husflidslag

Kurs

Laget driv utbreidd kursverksemd i tradisjonelle handverk. Kursa har ulik lengde og vert i hovudsak halde i laget sine lokale i gamle Alversund skule, adresse Nedre Alver 2, Alversund. Medlemmer får 20% avslag på kursavgifta. Kursa vert annonserte i medlemsbladet Primstaven, på Facebook og på www.husflid.no

Medlemsblad
Laget har eit eige medlemsblad, Primstaven. Her vert aktivitetar og nyhende publisert og møter og kurs annonserte.

Bunadsnemnda

Laget har ei eiga nemnd som arbeider med å samle, registrere og dokumentere materiale om bunader og bunadsbruk i området vårt. Bunadsnemnda har og arbeidd med å skaffe ei komplett brudedrakt og krune til laget. Me er glade for å kunne tilby denne flotte drakta til leige. Kontakt Husflidstova for nærmare informasjon og avtale.

Broderinemnda

Nemnda arbeider med å samle inn, registrere og arkivere gamle broderimønster og å gjere dei tilgjengelege for alle.

Husflidstova SA   

Husflidstova på Ikenberget i Alversund er butikken til Nordhordland Husflidslag. Her syr me bunader frå Nordhordland, Masfjorden, Indre Nordhordland og Sogn. Me tek og reparasjonar på bunader. Me har stort utval i mønster til bringedukar, belte, selar og skjortekantar. Me fører og anna utstyr til bunaden, som tova hatt, linhue, sokkeband, paraply, bunadsskrin, vevde band og silkesjal. Tradisjon og kvalitet vert vektlagt. Opningstidene er: mandag-onsdag:09 -16 og torsdag 10-18. Laurdag stengt. (Prøving av bunad kan avtalast på laurdagar. Ring butikken for meir informasjon)
Telefon: 56360744
Besøksadresse: Blombakken 1, Ikenberget, Alversund