Borghild Telnes

Borghild Telnes (f.1961) er kalligraf og kunstnar og har drive eiga verksemd i Seljord sidan 1998. Ho har utdanning innan kalligrafi og kunst og arbeider med skrift i kombinasjon med teknikkar som handsaum, trådteknikkar, illustrasjon og trykk av ulike slag. Verktøya ho brukar er penn, pensel, nål og kniv. Borghild arbeider med tekst som inspirasjon og tolkar dette i sitt skrift- og biletspråk. Ho har arbeidd saman med andre handverkarar og kunstnarar i fleire utstillingsprosjekt dei siste 20 åra og har stilt ut arbeida sine på utstillingar i Noreg, England, Russland og Japan.