Karin Bøe – Valle Vev

Valle Vev held til i Valle i Setesdal og starta opp i 1996. Med Valle Vev ønsker eg å halde liv i og formidle den fargerike vevtradisjonen i Setesdal. Kvinnehandverket er så flott og fortener å løftast opp og visast fram. Valle Vev lagar tradisjonelle produkt som kyrkjetjeld og kyrkjetæpe (sjal til bunaden), vove jure (belte) og sokkeband, rugger og brossar (åkle) samt puter og løparar. Karin Bøe har sveinebrev i handveving og mastergrad i tradisjonskunst.